Սուլեյմանիայի լրագրողները դատապարտել են թուրքական կառավարության կողմից Հյուսիսային Քրդստանի Ամեդ քաղաքում իրենց գործընկերների նկատմամբ ճնշումներն ու ձերբակալությունները՝ նշելով, որ Թուրքիան դարձել է մամուլի համար մութ բանտ:
Հունիսի 8-ին թուրքական ոստիկանությունը Հյուսիսային Քրդստանում գտնվող Ամեդում (Դիարբեքիր) 22 լրագրողի է ձերբակալել։ Կալանավորումից 8 օր անց՝ հունիսի 15-ին, լրագրողները ներկայացան դատարան։ Նրանցից 16-ը մնացել են կալանքի տակ:
Հարավային Քրդստանի Սուլեյմանիայի մամուլի ներկայացուցիչները զրուցել են Rojnews պորտալի ներկայացուցչի հետ Հյուսիսային Քրդստանում լրագրողների նկատմամբ այս ձերբակալությունների և բռնաճնշումների մասին:
«Թուրքիան հսկայական բանտ է դարձել լրագրողների համար։ Թերթերի և լրատվամիջոցների մեծ մասը վերահսկվում է կառավարության կողմից։ Իշխող ռեժիմը ձերբակալում է բոլոր լրագրողներին, ովքեր չեն աշխատում այնպես, ինչպես ուզում են»,- ասել է լրագրող և բնապահպան-ակտիվիստ Խալիդ Սիլմանը:
Թուրքիային անվանելով «մութ բանտ լրագրողների համար»՝ Սիլմանը շարունակեց. Քուրդ լրագրողների ձերբակալությունը ցույց է տալիս, որ Էրդողանը ցանկանում է երկրում բռնապետական կառավարում մտցնել։ Դրա համար ուզում են լրագրողներին լռեցնել»:
