Իսրայելը կոչ է անում իր քաղաքացիներին լքել թուրքական տարածքը։ Այս մասին հայտարարել է Իսրայելի արտգործնախարար Յաիր Լապիդը։
Իսրայելի արտաքին գործերի նախարար Յաիր Լապիդն ասել է, որ երկիրը կոչ է անում իր քաղաքացիներին դադարեցնել անհարկի թռիչքները Թուրքիա: Արդեն Թուրքիայում գտնվող իսրայելցիներին խորհուրդ է տրվում որքան հնարավոր է շուտ հեռանալ:
Իսրայելի արտգործնախարարը խոսել է իրանցի ահաբեկիչների կողմից Թուրքիայում իսրայելցիների դեմ ծրագրված մի շարք ահաբեկչությունների մասին: Նախարարի խոսքով, այս սպառնալիքն իրական է, անմիջական է և կարող է ազդել Թուրքիայի ցանկացած իսրայելցի քաղաքացու վրա:
Լապիդը նաև իր երախտագիտությունը հայտնեց Թուրքիայի կառավարությանը Իսրայելի քաղաքացիների կյանքը պաշտպանելուն ուղղված ջանքերի համար:
