Իսրայելի օդային հարվածը Սիրիայի տարածքում խլեց չորս մարդու կյանք, որոնցից երկուսը երեխաներ էին, հայտնում են տեղական լրատվամիջոցները:

Նշվում է, որ իսրայելական ավիացիան հրթիռային հարված է հասցրել լուսադեմին: Արդյունքում մահացավ չորս հոգանոց սիրիացի ընտանիք, որոնցից երկուսը երեխաներ էին: Եվս չորս մարդ վիրավորվել է: Նրանց թվում կան եւս երկու երեխա և երկու կին:

Իսրայելական ագրեսիան հանգեցրեց նաև Համա քաղաքի արևմտյան ծայրամասում երեք տների ոչնչացմանը:

Ավելի վաղ գործակալությունը հայտնել էր, որ Սիրիայի հակաօդային պաշտպանությունը հետ է մղում Իսրայելից ավիահարվածը:

Հիշեցնենք, որ Իսրայելը պարբերաբար գնդակոծում է Սիրիայի տարածքը: 2020 թվականի դեկտեմբերի 26-ին իսրայելական հրթիռային հարվածից վեց մարդ զոհվեց: Դրանից հետո Իսրայելը եւս մի քանի անգամ հրթիռակոծեց Սիրիան:

Աղբյուր